##🛑 NEWS EXPRESS 18 | न्यूज एक्सप्रेस १८ विशेष बातमी पत्र 🛑 NEWS EXPRESS 18 | न्यूज एक्सप्रेस १८ विशेष बातमी पत्र 🛑

क्राईम रिपोर्टर :- परमेश्वर कांबळे
मो…8668612357

वाकड पोलिसांची धडक कारवाई: १७.५० लाख रुपयांच्या २५ मोटारसायकली जप्त; १७ गुन्हे उघड, तिघे जाळ्यात….

पिंपरी चिंचवड :–पिंपरी चिंचवड पोलीस आयुक्तालय हद्दीत दुचाकी चोरांविरुद्ध चालवलेल्या विशेष मोहिमेअंतर्गत वाकड पोलीस ठाण्याच्या तपास पथकाने मोठी कामगिरी केली आहे. पोलिसांनी कारवाई करत १७ लाख ५० हजार रुपये किमतीच्या तब्बल २५ मोटारसायकली जप्त केल्या असून यामुळे वाहन चोरीचे एकूण १७ गुन्हे उघडकीस आले आहेत. या प्रकरणी तीन आरोपींना अटक करण्यात आली आहे.

खाजगी ड्रायव्हर निघाला सराईत चोर!
वाकड परिसरातील सीसीटीव्ही चित्रीकरण आणि तांत्रिक विश्लेषणाच्या आधारे पोलीस हवालदार वंदू गिरे यांना मिळालेल्या गुप्त माहितीनुसार, पोलिसांनी ज्ञानेश्वर शंकरराव जैसवाल (वय ४६, रा. आळंदी देवाची, पुणे) याला ताब्यात घेतले.

तो खाजगी गाड्यांवर बदली चालक (ड्रायव्हर) म्हणून काम करत होता. केवळ मौजमजेसाठी गाड्या चोरायचा, वापरून झाल्यावर कुठेही सोडून देऊन दुसरी गाडी चोरायचा, असे तपासात निष्पन्न झाले आहे. त्याच्या एकट्याकडून चोरीच्या २३ मोटारसायकली जप्त करण्यात आल्या आहेत.

अन्य कारवायांमध्ये दोघे जेरबंद तसेच वाकड तपास पथकाने केलेल्या इतर दोन कारवायांमध्ये:

१. वेदप्रकाश मदनसिंग रावत (वय ३७, रा. ताथवडे) याच्याकडून वाकड पोलीस ठाण्याच्या अभिलेखावरील ०१ अ‍ॅक्टिव्हा मोपेड जप्त केली.
२. संतोष मोहन मांगिलवाड (वय २८, रा. वेनुनगर, वाकड) याच्याकडून ०१ ज्युपिटर मोपेड जप्त केली.
‘या’ पोलीस ठाण्यांतील गुन्हे उघडकीस
आरोपींकडून पिंपरी चिंचवड व आसपासच्या विविध पोलीस ठाण्यांतील गुन्हे उघडकीस आले आहेत:
* वाकड पोलीस ठाणे: ४ गुन्हे
* आळंदी पोलीस ठाणे: ७ गुन्हे
* चाकण पोलीस ठाणे: ३ गुन्हे
* संत तुकाराम नगर पोलीस ठाणे: १ गुन्हा
* शिक्रापूर पोलीस ठाणे (पुणे ग्रामीण): १ गुन्हा

* माणगाव पोलीस ठाणे (जि. रायगड): १ गुन्हा….

(टीप: जप्त केलेल्या काही वाहनांच्या क्रमांकांवरून मूळ मालकांशी संपर्क साधण्याचे काम सध्या सुरू आहे.)
तपास पथक
ही कामगिरी पिंपरी चिंचवडचे पोलीस आयुक्त विनय कुमार चौबे, सह आयुक्त डॉ. शशीकांत महावरकर, अपर पोलीस आयुक्त सारंग आवाड, बसवराज तेली, पोलीस उपायुक्त (परि-२) प्रदीप जाधव व सहाय्यक पोलीस आयुक्त सुनील कुराडे यांच्या मार्गदर्शनाखाली करण्यात आली.
तपास पथकात वाकडचे वरिष्ठ पोलीस निरीक्षक विठ्ठल साळुंखे, सपोनि अंबरीश देशमुख, श्रीनिवास दराडे, श्रेणी पोउपनि मारणे, सपोफौ दळे, पो.हवा. वंदू गिरे, विजय भुसारे, मोहम्मद नदाफ, सचिन गायकवाड, विजय घाडगे, दीपक साबळे, विजय मोरे, पो.शि. कौतेय खराडे, ज्ञानदेव झेंडे, विक्रम भगत, समाधान कांबळे, प्रमोद गायके, अभिषेक मांडे, कारभारी पालवे आणि मंगेश लोखंडे यांचा समावेश होता. गुन्ह्याचा पुढील तपास सपोनि श्रीनिवास दराडे करत आहेत.

📊 **अशाच ताज्या आणि विश्वासार्ह बातम्यांसाठी पाहत राहा, न्यूज एक्सप्रेस १८!**
👉(https://newsexpress18.online)