##🛑 NEWS EXPRESS 18 | न्यूज एक्सप्रेस १८ विशेष बातमी पत्र 🛑 NEWS EXPRESS 18 | न्यूज एक्सप्रेस १८ विशेष बातमी पत्र 🛑

­क्राईम रिपोर्टर :- परमेश्वर कांबळे
मो…8668612357

बावधन पोलिसांची मोठी कामगिरी: ७ दुचाकींसह २४ मोबाईल जप्त; ३ सराईत चोरांसह एका अल्पवयीनाला अटक
पिंपरी चिंचवड (विशेष बातमीदार):

बावधन आणि परिसरामध्ये दुचाकी व मोबाईल चोरी करणाऱ्या आंतरजिल्हा टोळीचा बावधन पोलिसांनी पर्दाफाश केला आहे. या कारवाईत ३ सराईत आरोपींना अटक करण्यात आली असून एका विधीसंघर्षीत (अल्पवयीन) बालकाला ताब्यात घेण्यात आले आहे. त्यांच्याकडून तब्बल ५ लाख ३५ हजार रुपये किमतीच्या ७ मोटार सायकली आणि २४ मोबाईल फोन हस्तगत करण्यात आले आहेत.
अशी झाली कारवाई
बावधन पोलीस ठाण्याचे वरिष्ठ पोलीस निरीक्षक अरविंद पवार आणि तपास पथकाचे पोलीस उपनिरीक्षक सारंग ठाकरे हे हद्दीत गस्त घालत असताना, म्हाळुंगे-नांदे रोडवर एका विनानंबरच्या युनिकॉर्न दुचाकीवरून दोघे संशयित जात असल्याचे दिसले. पोलिसांनी त्यांना थांबण्याचा इशारा केला असता ते पळून जाऊ लागले. पोलिसांनी पाठलाग करून त्यांना ताब्यात घेतले व चौकशी केली असता त्यांनी उडवाउडवीची उत्तरे दिली.

पोलीस ठाण्यात आणून अधिक सखोल व कौशल्यपूर्ण तपास केला असता, आरोपी अनिल लहु जाधव (वय २०, रा. म्हाळुंगे) याने आपल्या साथीदारांसह चोरी केल्याची कबुली दिली.
अटक करण्यात आलेले आरोपी
१. अनिल लहु जाधव (वय २० वर्षे, रा. शिव वजनकाटा मागे, म्हाळुंगे, पुणे)
२. वसंत अंकुश जाधव (वय २५ वर्षे, रा. सुतारवाडी, ता. मुळशी, जि. पुणे)
३. सुनिल लहु जाधव (वय २५ वर्षे, रा. सुतारवाडी, ता. मुळशी, जि. पुणे)
४. एक विधीसंघर्षीत बालक
उघडकीस आलेले गुन्हे
आरोपींच्या चौकशीतून बावधन, हिंजवडी व शिरगाव-परंदवडी पोलीस ठाण्याच्या हद्दीतील एकूण ७ गुन्हे उघडकीस आले आहेत:
* बावधन पोलीस ठाणे: गु.र.नं. २८४/२०२६, २८१/२०२६, ३१०/२०२६, ३१४/२०२६ (भारतीय न्याय संहिता कलम ३०३(२))
* हिंजवडी पोलीस ठाणे: गु.र.नं. ५०४/२०२६, ५०९/२०२६ (भारतीय न्याय संहिता कलम ३०३(२))
* शिरगाव-परंदवडी पोलीस ठाणे: गु.र.नं. १९५/२०२६ (भारतीय न्याय संहिता कलम ३०३(२))
तपास पथक
ही धडक कारवाई पिंपरी चिंचवडचे पोलीस आयुक्त विनयकुमार चौबे, सह पोलीस आयुक्त डॉ. शशीकांत महावरकर, अपर पोलीस आयुक्त बसवराज तेली, सारंग आवाड, पोलीस उपायुक्त (परि. २) प्रदीप जाधव आणि सहाय्यक पोलीस आयुक्त विठ्ठल कुबडे यांच्या मार्गदर्शनाखाली करण्यात आली.
कारवाईत वरिष्ठ पोलीस निरीक्षक अरविंद पवार, पोलीस निरीक्षक (गुन्हे) परवेज शिकलगार, पो.उप.नि. सारंग ठाकरे, राजेंद्र काळे, बापुसाहेब धुमाळ, अरुण नरळे, फारुक मुल्ला, नितीन चंदनशिव, महेश शिंदे, अतिश जाधव, दत्ता शिंदे, बाबासाहेब पोटे, स्वप्निल साबळे, अक्षय लाटे, ऋषीकेश पाटील व मंगेश लोखंडे यांनी महत्त्वाची भूमिका बजावली.

📊 **अशाच ताज्या आणि विश्वासार्ह बातम्यांसाठी पाहत राहा, न्यूज एक्सप्रेस १८!**
👉(https://newsexpress18.online)