##🛑 NEWS EXPRESS 18 | न्यूज एक्सप्रेस १८ विशेष बातमी पत्र 🛑 NEWS EXPRESS 18 | न्यूज एक्सप्रेस १८ विशेष बातमी पत्र 🛑

क्राईम रिपोर्टर :- परमेश्वर कांबळे
मो…8668612357

## अश्लील व्हिडिओ इन्स्टाग्रामवर व्हायरल करणाऱ्या नराधमाला ६ महिने सक्तमजुरी; शिवाजीनगर न्यायालयाचा निर्णय…

**पिंपरी चिंचवड:**पीडित मुलीचे अश्लील व्हिडिओ बनवून ते इन्स्टाग्रामवर प्रसारित करत तिचे शोषण करणाऱ्या आरोपीला शिवाजीनगर येथील जिल्हा व सत्र न्यायालयाने ६ महिन्यांची सक्तमजुरी आणि २०० रुपये दंडाची शिक्षा सुनावली आहे. दंड न भरल्यास अतिरिक्त तीन दिवसांच्या सक्तमजुरीच्या कारावासाचे आदेश न्यायालयाने दिले आहेत.

### घटनेची पार्श्वभूमी…

पौड पोलीस ठाण्यात (पुणे ग्रामीण) भा.न्या.सं. कलम ७७ तसेच माहिती तंत्रज्ञान कायद्याच्या कलम ६७(अ) व ६७(क) अंतर्गत गुन्हा दाखल करण्यात आला होता. या गुन्ह्यातील आरोपी विभुप्रसाद परिंडा याने पीडितेचे अश्लील व्हिडिओ तयार करून ते प्रभाकर (लकी) जमिनीकांत परिडा (रा. अर्चना पॅराडाईज, लेबर कॅम्प, महम्मदवाडी, पुणे) याला पाठवले होते. त्यानंतर प्रभाकर परिडा याने ते व्हिडिओ इन्स्टाग्रामवर व्हायरल करून पीडितेच्या मनास लज्जा उत्पन्न करणारे कृत्य केले होते.

### पोलीस तपास व दोषारोपपत्र…

सदर गुन्हा पौड पोलीस ठाण्यातून वर्ग होऊन पुढील तपासासाठी बावधन पोलीस ठाण्याकडे आला. प्राथमिक तपासात आरोपीने लैंगिक प्रताडना केल्याचे सिद्ध झाल्यानंतर, पोलिसांनी आरोपीविरुद्ध भक्कम पुरावे गोळा केले. तात्कालीन पोलीस निरीक्षक भास्कर कदम यांनी तपास पूर्ण करून माननीय न्यायालयात दोषारोपपत्र दाखल केले.

### न्यायालयाचा निर्णय
जिल्हा व सत्र न्यायालय (शिवाजीनगर, पुणे) येथील मा. न्यायाधीश एस. यु. वडगावकर यांच्या न्यायालयाने अभियोग पक्षाची भक्कम बाजू आणि पुरावे विचारात घेऊन आरोपी प्रभाकर (लकी) जमिनीकांत परिडा यास **बालकांचे लैंगिक अपराधापासून संरक्षण (POCSO) अधिनियम कलम १२** व **माहिती तंत्रज्ञान कायदा कलम ६७ (ब)** अंतर्गत दोषसिद्ध ठरवत ६ महिन्यांची सक्तमजुरी आणि दंडाची शिक्षा सुनावली.

**पोलीस पथक व न्यायालयीन कामकाज:**

ही कामगिरी बावधन पोलीस ठाण्याचे वरिष्ठ पोलीस निरीक्षक अरविंद पवार यांच्या मार्गदर्शनाखाली पार पडली. निवृत्त पोलीस निरीक्षक भास्कर कदम यांनी या गुन्ह्याचा सखोल तपास केला. न्यायालयात सरकारी अभियोक्ता म्हणून ॲड. अरुंधती ब्रम्हे यांनी बाजू मांडली, तर कोर्ट पैरवी अधिकारी अशोक सकुंडे, सेशन कोर्ट अंमलदार पोलीस शिपाई पाखरे (बॅच क्र. ४००२) व पोलीस हवालदार शिंदे (बॅच क्र. ७४८) यांनी न्यायालयीन कामकाजात मदत केली.

**— प्रदिप जाधव, पोलीस उप-आयुक्त, परिमंडळ-०२, पिंपरी चिंचवड**

📊 **अशाच ताज्या आणि विश्वासार्ह बातम्यांसाठी पाहत राहा, न्यूज एक्सप्रेस १८!**
👉(https://newsexpress18.online)