##🛑 NEWS EXPRESS 18 | न्यूज एक्सप्रेस १८ विशेष बातमी पत्र 🛑 NEWS EXPRESS 18 | न्यूज एक्सप्रेस १८ विशेष बातमी पत्र…

Crime प्रतिनिधी :- परमेश्वर कांबळे
मो…8668612357

अंमली पदार्थमुक्त समाजासाठी गणेश मंडळांनी पुढाकार घ्यावा: पिंपरी चिंचवड पोलीस आयुक्त विनय कुमार चौबे यांचे आवाहन….

‘श्री मोरया पुरस्कार २०२५’ वितरण सोहळा संपन्न; चाकणच्या मयूर मित्र मंडळाला प्रतिष्ठेचा फिरता करंडक…

पिंपरी चिंचवड: सार्वजनिक गणेश मंडळांनी देखाव्यांच्या माध्यमातून अंमली पदार्थांच्या दुष्परिणामांवर जनजागृती करावी आणि युवक-विद्यार्थ्यांना व्यसनापासून दूर ठेवत ‘अंमली पदार्थमुक्त समाज’ घडवण्यासाठी सक्रिय पुढाकार घ्यावा, असे आवाहन पिंपरी चिंचवडचे पोलीस आयुक्त विनय कुमार चौबे यांनी केले.

पिंपरी चिंचवड पोलीस आयुक्तालयाच्या वतीने आयोजित ‘श्री मोरया पुरस्कार-२०२५’ पारितोषिक वितरण सोहळा आकुर्डी येथील ग. दि. माडगूळकर सभागृहात उत्साहात पार पडला. या सोहळ्यास महापालिका आयुक्त डॉ. विजय सूर्यवंशी यांच्यासह पोलीस सहआयुक्त डॉ. शशिकांत महावरकर, अपर पोलीस आयुक्त, सर्व पोलीस उपआयुक्त, वरिष्ठ अधिकारी आणि शहरातील विविध गणेश मंडळांचे सुमारे १,००० हून अधिक पदाधिकारी व कार्यकर्ते उपस्थित होते.

गणेशोत्सवात शांतता व सुव्यवस्था राखणे, नियमांचे पालन करणे आणि सामाजिक प्रबोधन करणाऱ्या उत्कृष्ट गणेश मंडळांचा गौरव करण्यासाठी मागील चार वर्षांपासून पोलीस आयुक्त विनय कुमार चौबे यांच्या संकल्पनेतून हा उपक्रम राबवला जात आहे. या सोहळ्यात उत्कृष्ट देखावे आणि शिस्तबद्ध मिरवणुकांचे आयोजन करणाऱ्या १४ गणेश मंडळांना पुरस्कार देऊन सन्मानित करण्यात आले. चाकण येथील ‘मयूर मित्र मंडळा’ने पोलीस आयुक्तालय स्तरावर प्रथम क्रमांक पटकावत यंदाचा प्रतिष्ठेचा ‘श्री मोरया फिरता करंडक’ आपल्या नावावर केला.

यावेळी पोलीस आयुक्तांनी सायबर सुरक्षा, वाहतूक व्यवस्थापन व वाहतूक नियमांचे पालन यांसारख्या सामाजिक विषयांवर देखावे सादर करण्याचे आणि पर्यावरणपूरक उत्सव साजरा करण्याचे आवाहन केले. तसेच मनपा आयुक्त डॉ. विजय सूर्यवंशी यांनी गणेश मंडळांनी पर्यावरणपूरक मूर्ती, निर्माल्य व्यवस्थापन आणि प्लास्टिकमुक्तीवर भर द्यावा असे सांगितले.

या सोहळ्यात आगामी २०२६ च्या गणेशोत्सवाच्या पूर्वतयारीच्या दृष्टीने महापालिकेची ऑनलाइन नोंदणी प्रक्रिया, पोलीस विभागाच्या विविध परवानग्या आणि विद्युत परवानग्यांबाबत मंडळांच्या पदाधिकाऱ्यांना सविस्तर मार्गदर्शन करण्यात आले.
😂
‘श्री मोरया पुरस्कार २०२५’ चे प्रमुख मानकरी:
* पोलीस आयुक्तालय स्तर:
* प्रथम: मयूर मित्र मंडळ, मार्केटयार्ड, चाकण (श्री मोरया फिरता करंडक विजेता)
* द्वितीय: सुवर्ण मित्र मंडळ, क्रीडा व कला मंच, पिंपरीगाव
* तृतीय: सिद्धीचा गणपती महिला मंडळ, बावधन
* परिमंडळ-१ स्तर:
* प्रथम: एस.के.एफ. गणेश उत्सव मंडळ, चिंचवड
* द्वितीय: भैरवनाथ मित्र मंडळ, पिंपळे गुरव, सांगवी
* तृतीय: स्वराज्य मित्र मंडळ, संत तुकाराम नगर, पिंपरी
* परिमंडळ-२ स्तर:
* प्रथम: सम्राट मित्र मंडळ, थेरगाव
* द्वितीय: शिवतेज मित्र मंडळ, उर्स शिरगाव
* तृतीय: गणेश तरुण मित्र मंडळ, तळेगाव दाभाडे
* परिमंडळ-३ स्तर:
* प्रथम: नवयुग मित्र मंडळ, गोल्डन चौक, चाकण
* द्वितीय: जय गणेश प्रतिष्ठान, आळंदी
* तृतीय: जय बजरंग मित्र मंडळ, जाधववाडी, चिखली
* विशेष पुरस्कार:
* आदर्श देखावा पुरस्कार: विशाल मित्र मंडळ, थेरगाव-वाकड
* आदर्श मिरवणूक पुरस्कार: श्री शिवछत्रपती मित्र मंडळ, सद्गुरू चौक, रावेत

📊 **अशाच ताज्या आणि विश्वासार्ह बातम्यांसाठी पाहत राहा, न्यूज एक्सप्रेस १८!**
👉(https://newsexpress18.online)