##🛑 NEWS EXPRESS 18 | न्यूज एक्सप्रेस १८ विशेष बातमी पत्र 🛑 NEWS EXPRESS 18 | न्यूज एक्सप्रेस १८ विशेष बातमी पत्र…

क्राईम रिपोर्टर  :- परमेश्वर कांबळे
मो…8668612357

परराज्यातील मजुरांना लुटणारे २ सराईत गुन्हेगार पिंपरी-चिंचवड गुन्हे शाखेकडून गजाआड; ३ गुन्हे उघड….

पिंपरी-चिंचवड: परराज्यातील मजुरांना गाठून त्यांना मारहाण करत जबरदस्तीने ऑनलाईन पैसे ट्रान्सफर करून घेणाऱ्या दोन सराईत गुन्हेगारांना पिंपरी-चिंचवड गुन्हे शाखा युनिट-२ च्या पथकाने ताबा घेतला आहे. केशव दशरथ शेटे (वय ४६, रा. कुदळे कॉलनी, पिंपरी गाव) आणि राजेश अनिल कुमार (वय ४५, रा. ताडीवाला रोड, पुणे) अशी अटक करण्यात आलेल्या आरोपींची नावे आहेत. त्यांच्या अटकेमुळे दक्षिण महाळुंगे व भोसरी एमआयडीसी पोलीस ठाण्याच्या हद्दीतील जबरी चोरीचे ३ गुन्हे उघडकीस आले आहेत.

काय आहे प्रकरण?

दिनांक २६ जुलै २०२६ रोजी महाळुंगे ते तळवडे रस्त्यावरील महिंद्रा कंपनीच्या गेट क्र. १ जवळ दोन दुचाकींवरून आलेल्या ४ जणांनी एका मजुराला अडवले. आरोपींनी त्याला मारहाण करून मोबाईल हिसकावून घेतला आणि त्याच्याच फिंगरप्रिंटचा वापर करून मोबाईल लॉक उघडला. त्यानंतर त्याच्या PhonePe खात्यावरून आरोपींनी स्वतःजवळील चोरीच्या मोबाईलमधील Google Pay QR कोडवर २५,००० रुपये जबरदस्तीने ट्रान्सफर करून घेतले. याप्रकरणी दक्षिण महाळुंगे पोलीस ठाण्यात गुन्हा दाखल करण्यात आला होता.

तपास अन् कारवाई:

घटनेचे गांभीर्य ओळखून पोलीस आयुक्त विनय कुमार चौबे, अपर पोलीस आयुक्त सारंग आव्हाड व बसवराज तेली, आणि गुन्हे शाखेचे पोलीस उप-आयुक्त रोहिदास पवार यांच्या मार्गदर्शनाखाली गुन्हे शाखा युनिट-२ चे वरिष्ठ पोलीस निरीक्षक संदीप सावंत व पथकाने समांतर तपास सुरू केला.
तपासादरम्यान आरोपींनी ऑनलाईन पैसे स्वीकारण्यासाठी वापरलेला मोबाईल फोन देखील चोरीचा असल्याचे निष्पन्न झाले. आरोपी या चोरीच्या मोबाईलवर आलेली रक्कम वेगवेगळ्या मनी ट्रान्सफरच्या दुकानातून रोख (Cash) स्वरूपात काढून घेत असत. पोलिसांनी जवळपास ७० ते ८० सीसीटीव्ही कॅमेऱ्यांची पाहणी केली. पोलीस उपनिरीक्षक मयुरेश साळुंखे आणि पोलीस अंमलदार प्रशांत सैद यांनी सखोल तांत्रिक विश्लेषण करून आरोपींची ओळख पटवली.
त्यानंतर दि. ३ ऑगस्ट २०२६ रोजी पिंपरी परिसरातून केशव शेटे आणि राजेश अनिल कुमार या दोघांना शिताफीने ताब्यात घेण्यात आले.

गुन्ह्याची पद्धत (MO):

हे आरोपी रेकॉर्डवरील सराईत गुन्हेगार असून सुट्टीच्या दिवशी (गुरुवार व रविवारी) एकट्या-दुकट्या परप्रांतीय मजुरांना लक्ष्य करत असत. मजुरांना गाठून मारहाण करायची आणि ऑनलाईन किंवा कॅश स्वरूपात पैसे काढून घ्यायचे, अशी त्यांची कार्यपद्धती होती.
आरोपींकडून ३ मोबाईल फोन आणि गुन्ह्यात वापरलेली एक मोटारसायकल जप्त करण्यात आली आहे. मुख्य आरोपी केशव शेटे याच्यावर सांगवी, पिंपरी, खडकी व बीड येथे १५ हून अधिक गंभीर गुन्हे दाखल आहेत.
ही कारवाई पोलीस आयुक्त विनय कुमार चौबे, अपर पोलीस आयुक्त सारंग आव्हाड, बसवराज तेली, गुन्हे उप-आयुक्त रोहिदास पवार, सहाय्यक पोलीस आयुक्त सुदर्शन राठोड यांच्या मार्गदर्शनाखाली युनिट-२ चे वरिष्ठ पो.नि. संदीप सावंत, पो.उ.नि. मयुरेश साळुंखे, दीपक खरात, नितीन ढोरजे, संदीप गवारे, विक्रम कुदळ, कृष्णा शितोळे, प्रशांत सैद व इतर कर्मचाऱ्यांच्या पथकाने केली आहे.

📊 **अशाच ताज्या आणि विश्वासार्ह बातम्यांसाठी पाहत राहा, न्यूज एक्सप्रेस १८!**
👉(https://newsexpress18.online)