## 🛑 NEWS EXPRESS 18 | न्यूज एक्सप्रेस १८ विशेष बातमी पत्र 🛑 NEWS EXPRESS 18 | न्यूज एक्सप्रेस १८ विशेष बातमी पत्र 🛑

क्राइम रिपोर्टर :- परमेश्वर कांबळे

# मोशी कचरा डेपो दुर्घटना: सुरक्षेतील निष्काळजीपणामुळे ९ कामगारांचा मृत्यू; कंपनीच्या प्रकल्प प्रमुखासह सेफ्टी ऑफिसरवर गुन्हा दाखल..

**पिंपरी-चिंचवड:**मोशी येथील कचरा डेपोत घडलेल्या भीषण दुर्घटनेप्रकरणी ‘अँटोनी लारा रिन्युएबल एनर्जी प्रा. लि.’ कंपनीच्या प्रकल्प प्रमुखासह सेफ्टी ऑफिसरविरुद्ध एम.आय.डी.सी. भोसरी पोलीस ठाण्यात गुन्हा दाखल करण्यात आला आहे. कचरा प्रक्रिया क्षेत्रातील सुरक्षिततेच्या उपाययोजनांकडे दुर्लक्ष केल्यामुळे ९ कामगारांचा जीव गेल्याचे आणि १२ जण जखमी झाल्याचे पोलीस अहवालातून समोर आले आहे.

### निष्काळजीपणामुळे दुर्घटना..

पिंपरी-चिंचवड महानगरपालिकेने शहरातील कचऱ्यावर प्रक्रिया करण्याचे कंत्राट ‘अँटोनी लारा रिन्युएबल एनर्जी प्रा. लि.’ या कंपनीला दिले आहे. पावसाळ्याच्या दिवसांत येथील एसएलएफ (Secured Landfill Zone) ला धोका पोहचू नये, यासाठी सर्व प्रकारच्या संभाव्य धोके टाळणे आणि आवश्यक त्या सुरक्षा उपाययोजना करणे ही कायदेशीर जबाबदारी संबंधित कंपनीची होती.c
या उपाययोजना न केल्यास मानवी जीवितास मोठा धोका निर्माण होऊ शकतो, याची पूर्ण कल्पना असतानाही कंपनीचे प्रकल्प प्रमुख **अशोककुमार सियाराम शरण गुप्ता** (वय ५९, रा. मोशी, मूळ रा. गाझियाबाद, उत्तर प्रदेश) आणि सेफ्टी अधिकारी **विजय रामराव सपकाळ** (वय ३८, रा. चिंचवड, मूळ रा. बुलढाणा) यांनी सुरक्षेकडे पूर्णपणे दुर्लक्ष केले. यामुळे ८ जुलै २०२६ रोजी दुपारी दीड वाजेच्या सुमारास एसएलएफचा काही भाग इमारतीवर व शेजारील रस्त्यावर ढासळला.

### ९ जणांचा मृत्यू, १२ जण जखमी
या ढीगाऱ्याखाली दबून तेथे काम करणाऱ्या ९ व्यक्तींचा दुर्दैवी मृत्यू झाला, तर अन्य १२ जण गंभीर जखमी झाले आहेत.

* **मृतांची नावे:
1) भावेश मोहन वाणी (३३),
2) अक्षय राजू सावंत (३२),
3) नागेश सर्जेराव गायकवाड (२७),
4) सुनिल भारत कोरके (३६),
5) महेश सुरेश कुंभार (३२),
6) सनी अशोक माने (३६),
7) राहुल धोडीबा गायकवाड (३७),
8) रणजीत जयवंत पाटील (२२)
9) वामन दगडू कसबे (५४).

* **जखमींची नावे:**
1) अशोककुमार गुप्ता,
2) मुनेंद्र कुमार सिंग,
3) चंद्रशेखर सिंग,
4) दादासाहेब आरडे,
5) सोमनाथ शेळके,
6) रणबीर सिंग,
7) रामप्रताप चव्हाण,
8) सचिन दबडगांव,
9) सुजाता शिंदे,
10) विजय सपकाळ,
11) महेश राऊत
12) भुषण पाटील.

## मनपा प्रशासनाकडून पोलिसांत तक्रार

या भीषण अपघातानंतर महानगरपालिकेचे अधिकारी सोहन मधुकर निकम (वय ५५, रा. निगडी प्राधिकरण) यांनी एम.आय.डी.सी. भोसरी पोलीस ठाण्यात अधिकृत फिर्याद दिली. त्यानुसार पोलिसांनी दोन्ही आरोपींविरुद्ध भारतीय न्याय संहिता (BNS) कलम १०५, १२५(ए), १२५(बी) आणि ३(५) अन्वये गुन्हा दाखल केला आहे. या प्रकरणाचा पुढील तपास पोलीस करत आहेत.

📊 **अशाच ताज्या आणि विश्वासार्ह बातम्यांसाठी पाहत राहा, न्यूज एक्सप्रेस १८!**
👉(https://newsexpress18.online)