##🛑 NEWS EXPRESS 18 | न्यूज एक्सप्रेस १८ विशेष बातमी पत्र 🛑 NEWS EXPRESS 18 | न्यूज एक्सप्रेस १८ विशेष बातमी पत्र…

Crime प्रतिनिधी :- परमेश्वर कांबळे
मो…8668612357..
रिल्स बनवणे पडले महागात; महाळुंगे एमआयडीसीत रस्त्यावर वाहने अडवून ड्रोनने शूटिंग करणाऱ्यांवर गुन्हा दाखल, वाहने जप्त

महाळुं

गे (पिंपरी चिंचवड): सार्वजनिक रस्त्यावर इतर वाहनचालकांच्या जिवाला धोका निर्माण करून ड्रोनद्वारे रिल्स बनवणाऱ्या चार हुल्लडबाजांना महाळुंगे एमआयडीसी पोलिसांनी चांगलाच धडा शिकवला आहे. रस्त्यावर वाहने आडवी लावून वाहतूक कोंडी करत स्टंटबाजी करणाऱ्या चालकांवर उत्तर महाळुंगे एमआयडीसी पोलीस ठाण्यात गुन्हा दाखल करण्यात आला असून पोलिसांनी त्यांची वाहनेही जप्त केली आहेत.

नेमकी घटना काय?

३ सप्टेंबर २०२६ रोजी सायंकाळी सव्वासातच्या सुमारास संत तुकाराम चौक ते मिंडेवाडी जाणाऱ्या महाळुंगे एमआयडीसीतील अंतर्गत रस्त्यावर चार वाहनचालक एकमेकांना समांतर वाहने चालवून, वाहनांचा वेग अचानक कमी-जास्त करत आणि वाहने अचानक थांबवून कॅमेरा व ड्रोनच्या साहाय्याने रिल्स बनवत होते. रस्त्याच्या मधोमध वाहने धोकादायक पद्धतीने उभी केल्याने पाठीमागून येणाऱ्या वाहनांना अडथळा निर्माण होऊन मोठी वाहतूक कोंडी झाली होती. या प्रकाराचा व्हिडिओ सोशल मीडियावर व्हायरल झाल्यानंतर उत्तर महाळुंगे एमआयडीसी पोलिसांनी याची गंभीर दखल घेतली.

सीसीटीव्ही आणि बातमीदारांच्या मदतीने कारवाई
व्हायरल व्हिडिओ समोर येताच पोलीस निरीक्षक देवडे यांच्या पथकाने तातडीने तपास चक्रे फिरवली. सीसीटीव्ही फुटेज आणि बातमीदारांच्या माहितीच्या आधारे पोलिसांनी चारही वाहने व त्यांच्या चालकांचा शोध लावला:
* राम हिरामण राऊत (रा. भांबोली, ता. खेड) – फॉर्च्यूनर (MH 14 NN 0005)
* साहिल बारकु जांभळे (रा. वासुली, ता. खेड) – महिंद्रा स्कॉर्पिओ (MH 14 EC 1658)
* आदित्य कैलास निखाडे (रा. भांबोली, ता. खेड) – मारुती सुझुकी स्विफ्ट (MH 14 HW 4708)
* प्रणव मालक पाचपुते (रा. वासुली, ता. खेड) – फ्रॉन्क्स (MH 14 LL 2520)

गुन्हा दाखल व तिघांना अटक

पोलीस आयुक्तांच्या मनाई आदेशाचे उल्लंघन करणे, रस्त्यावर धोकादायक पद्धतीने वाहने चालवून नागरिकांच्या सुरक्षिततेला धोका निर्माण करणे आणि रस्ता अडवल्याप्रकरणी संबंधितांवर उत्तर महाळुंगे एमआयडीसी पोलीस ठाण्यात गुन्हा रजि. नं. ६४/२०२६ नुसार बीएनएस कलम २८५, २८१, २२३, ३(५) तसेच मोटार वाहन कायद्याच्या कलम १८४ व १२२ अंतर्गत गुन्हा दाखल करण्यात आला आहे. पोलिसांनी गुन्ह्यातील चारही वाहने जप्त केली असून, आरोपी राम राऊत, साहिल जांभळे आणि आदित्य निखाडे या तिघांना ताब्यात घेऊन कायदेशीर कारवाई केली आहे.
ही कारवाई पिंपरी चिंचवडचे पोलीस आयुक्त विनय कुमार चौबे, सह आयुक्त डॉ. शशीकांत महावरकर, अपर पोलीस आयुक्त सारंग आवाड, बसवराज तेली, पोलीस उप-आयुक्त श्वेता खेडकर व सहायक पोलीस आयुक्त प्रिया डमाळे यांच्या मार्गदर्शनाखाली उत्तर महाळुंगे एमआयडीसी पोलीस ठाण्याचे वरिष्ठ पोलीस निरीक्षक दिगंबर सूर्यवंशी, पोलीस निरीक्षक अनिल देवडे आणि तपास पथकाने केली.

📊 **अशाच ताज्या आणि विश्वासार्ह बातम्यांसाठी पाहत राहा, न्यूज एक्सप्रेस १८!**
👉(https://newsexpress18.online)