##🛑 NEWS EXPRESS 18 | न्यूज एक्सप्रेस १८ विशेष बातमी पत्र 🛑 NEWS EXPRESS 18 | न्यूज एक्सप्रेस १८ विशेष बातमी पत्र…

क्राईम रिपोर्टर :- परमेश्वर कांबळे
मो…8668612357

खराबवाडीतील दरोडा प्रकरणाचा छडा; गुन्हे शाखा युनिट-४ कडून ५ आरोपी गजाआड, ११.६८ लाखांचा मुद्देमाल जप्त..

पिंपरी चिंचवड: खराबवाडी हद्दीत पिकअप अडवून बंदुकीचा धाक दाखवत रोख रक्कम लुटणाऱ्या टोळीला गजाआड करण्यात पिंपरी चिंचवड पोलीस आयुक्तालयाच्या गुन्हे शाखा युनिट-४ ला मोठे यश आले आहे. पोलिसांनी तांत्रिक तपासाच्या आधारे ५ अनोळखी आरोपींचा माग काढून त्यांना अटक केली असून, त्यांच्याकडून कार, दुचाकी आणि पिस्तुलासह एकूण ११ लाख ६८ हजार ५०० रुपयांचा मुद्देमाल हस्तगत केला आहे.

नेमकी घटना काय होती?

१० ऑगस्ट २०२६ रोजी रात्री १०.५० वाजेच्या सुमारास, गुडविल ट्रान्सपोर्टचे धीरज यादव आणि चालक रामभवन सिंह हे खराबवाडी येथील एचडीएफसी बँकेच्या एटीएममधून १ लाख रुपये काढून पिकअप गाडीने जात होते. हिंदवी कार सेंटरसमोर एका पांढऱ्या रंगाच्या अर्टिगा कारने आणि लाल रंगाच्या स्कूटीवरील इसमांनी त्यांची पिकअप अडवली. आरोपींनी मानेवर पिस्तूलसारखी वस्तू लावून दोघांना मारहाण केली आणि खिशातील १ लाख ८ हजार रुपये जबरदस्तीने लुटून नेले होते. याप्रकरणी दक्षिण म्हाळुंगे पोलीस ठाण्यात गुन्हा दाखल करण्यात आला होता

१२० सीसीटीव्ही फुटेज आणि तांत्रिक तपास ठाम ठरला

गुन्ह्याचे कोणतेही थेट पुरावे नसताना गुन्हे शाखा युनिट-४ च्या पथकाने घटनास्थळापासून आरोपींच्या वाहनांचा माग काढण्यासाठी सुमारे १२० सीसीटीव्ही फुटेज तपासले. सीडीआर आणि डंप डेटाच्या तांत्रिक विश्लेषणावरून आरोपींचा सुगावा लागला.

अटक आरोपींची नावे:

* सार्थक पोपट दाते (वय २१)
* अजित बन्सी पारधी (वय २२)
* सत्यवान सुनील देवकर (वय १९)
* हनुमंत भास्कर दाते (वय २७)
* यश सोमनाथ पवार (वय २०, सर्व रा. जांबुत खुर्द, ता. संगमनेर, जि. अहिल्यानगर)
जप्त मुद्देमाल:
गुन्ह्यात वापरलेली अर्टिगा कार, मोटरसायकल, छऱ्याचे पिस्तूल, मोबाईल फोन आणि २४,००० रुपयांची रोख रक्कम असा एकूण ११,६८,५०० रुपयांचा मुद्देमाल पोलिसांनी हस्तगत केला आहे. आरोपींना पुढील कारवाईसाठी दक्षिण म्हाळुंगे पोलिसांच्या ताब्यात देण्यात आले आहे.
ही कामगिरी पोलीस आयुक्त विनय कुमार चौबे, पोलीस सहआयुक्त डॉ. शशिकांत महावरकर, अपर पोलीस आयुक्त सारंग आवाड, पोलीस उपआयुक्त (गुन्हे) रोहिदास पवार, सहायक पोलीस आयुक्त डॉ. सुदर्शन राठोड यांच्या मार्गदर्शनाखाली वरिष्ठ पोलीस निरीक्षक अर्जुन घोडेपाटील, सहायक पोलीस निरीक्षक श्रीधर भोसले व गुन्हे शाखा युनिट-४ च्या पथकाने केली.

📊 **अशाच ताज्या आणि विश्वासार्ह बातम्यांसाठी पाहत राहा, न्यूज एक्सप्रेस १८!**
👉(https://newsexpress18.online)