##🛑 NEWS EXPRESS 18 | न्यूज एक्सप्रेस १८ विशेष बातमी पत्र 🛑 NEWS EXPRESS 18 | न्यूज एक्सप्रेस १८ विशेष बातमी पत्र…

क्राईम रिपोर्टर :- परमेश्वर कांबळे
मो…8668612357

भोसरीतील खुनाच्या प्रयत्नातील आरोपींना अवघ्या ६ तासांत बेड्या; गुन्हे शाखा युनिट-३ ची धडक कारवाई

पिंपरी चिंचवड:
भोसरी येथील आळंदी रोडवर एका तरुणावर बियरच्या बाटलीने हल्ला करून त्याचा खून करण्याचा प्रयत्न करणाऱ्या ६ आरोपींसह एका विधीसंघर्षित बालकाला गुन्हे शाखा युनिट-३ च्या पथकाने अवघ्या ६ तासांत अटक केली आहे.
१९ ऑगस्टच्या मध्यरात्री १:०० वाजण्याच्या सुमारास आळंदी रोड, भोसरी येथील रूपाली बार अँड रेस्टॉरंटसमोर अमर कापडे (रा. भोसरी) हा तरुण गंभीर जखमी अवस्थेत आढळून आला होता. घटनेची माहिती मिळताच गुन्हे शाखा युनिट-३ चे वरिष्ठ पोलीस निरीक्षक संतोष कसबे आणि सहाय्यक पोलीस आयुक्त (प्रशासन) रणजीत पाटील यांनी तात्काळ घटनास्थळी धाव घेतली. जखमी तरुणाला उपचारासाठी पिंपरीतील वायसीएम रुग्णालयात दाखल करण्यात आले.
घटनास्थळावरील सीसीटीव्ही फुटेज तपासले असता, दारू पिऊन झालेल्या वादातून अमर कापडे याच्यावर बियरच्या बाटलीने वार करून व मारहाण करून १० ते १२ हल्लेखोर दुचाकीवरून पसार झाल्याचे समोर आले. मिळालेल्या गोपनीय माहितीच्या आधारे पोलिसांनी चऱ्होली येथील प्रिझम सिटी सोसायटी परिसरात सापळा रचला. पोलिसांना पाहताच अंधाराचा फायदा घेऊन पळून जाणाऱ्या आरोपींचा फिल्मी स्टाईलने पाठलाग करून पोलिसांनी त्यांना ताब्यात घेतले.
अटक करण्यात आलेले आरोपी:
* महेश प्रकाश पाटील (वय ३०, रा. चक्रपाणी वसाहत, भोसरी)
* केतन दिनकर सोमवंशी (वय २३, रा. प्रिझम सिटी, चऱ्होली)
* विकास अशोक मयनाळे (वय २५, रा. धावडेवस्ती, भोसरी)
* संकेत शाम सरवदे (वय २१, रा. चक्रपाणी वसाहत, भोसरी)
* प्रथमेश राजु पाटील (वय २१, रा. चक्रपाणी वसाहत, भोसरी)
* पवन रोहिदास शिंदे (वय २२, रा. आळंदी रोड, भोसरी)
(यांच्यासह एका विधीसंघर्षित बालकाला ताब्यात घेण्यात आले आहे.)
पोलीस आयुक्त विनयकुमार चौबे, सह आयुक्त डॉ. शशिकांत महावरकर, अपर आयुक्त सारंग आवाड, पोलीस उप-आयुक्त (गुन्हे) रोहिदास पवार यांच्या मार्गदर्शनाखाली वपोनि संतोष कसबे, उपनिरीक्षक भरत गोसावी, अंमलदार सोमनाथ बोऱ्हाडे, अजित रूपनवर, दिलीप राठोड आणि पथकाने ही उल्लेखनीय कारवाई केली.

📊 **अशाच ताज्या आणि विश्वासार्ह बातम्यांसाठी पाहत राहा, न्यूज एक्सप्रेस १८!**
👉(https://newsexpress18.online)