##🛑 NEWS EXPRESS 18 | न्यूज एक्सप्रेस १८ विशेष बातमी पत्र 🛑 NEWS EXPRESS 18 | न्यूज एक्सप्रेस १८ विशेष बातमी पत्र…

क्राईम रिपोर्टर :- परमेश्वर कांबळे
मो…8668612357

चाकण-महाळुंगे एमआयडीसीत उद्योजक व पोलीस विभागाचे समन्वय चर्चासत्र संपन्न; “Industrial Grievances Cell” स्थापन

पिंपरी चिंचवड: पिंपरी चिंचवड पोलीस आयुक्तालय अंतर्गत चाकण आणि महाळुंगे एमआयडीसी विभागातील उद्योजक प्रतिनिधी व पोलीस विभागाची संयुक्त समन्वय बैठक दिनांक ५ ऑगस्ट २०२६ रोजी पार पडली. दक्षिण महाळुंगे एमआयडीसी हद्दीतील मर्सिडीज कंपनी येथे ही बैठक आयोजित करण्यात आली होती.
मा. पोलीस आयुक्त, पिंपरी चिंचवड श्री. विनय कुमार चौबे यांच्या संकल्पनेतून आणि अध्यक्षतेखाली पार पडलेल्या या बैठकीस दक्षिण महाळुंगे, उत्तर महाळुंगे, चाकण दक्षिण व उत्तर चाकण या चारही पोलीस ठाण्यांच्या हद्दीतील प्रमुख कंपन्यांचे प्लांट हेड व प्रतिनिधी उपस्थित होते.

बैठकीतील प्रमुख चर्चेचे मुद्दे:

* वाहतूक समस्या: पुणे-नाशिक, चाकण-तळेगाव आणि चाकण-शिक्रापूर महामार्गावरील वाहतूक समस्या सोडवण्यासाठी विशेष ट्रॅफिक प्लॅनिंग करण्याबाबत चर्चा झाली.
* समन्वय व प्रगती: उद्योजक आणि पोलीस विभाग यांच्यात योग्य समन्वय साधून राज्याची प्रगती साधण्यावर भर देण्यात आला.
* कामगार व सुरक्षा: कंपन्यांमधील कामगारांचे प्रश्न, सुरक्षेच्या उपाययोजना, उद्योजक व कामगारांमध्ये सुरक्षिततेचे वातावरण निर्माण करणे आणि कायदा व सुव्यवस्थेबाबत सविस्तर चर्चा करण्यात आली.

“Industrial Grievances Cell” ची स्थापना..

पोलिसांनी दिलेल्या माहितीनुसार, उद्योजक, कामगार आणि माथाडी कामगारांच्या गंभीर प्रश्नांचे व गुन्ह्यांच्या निराकरणासाठी गुन्हे शाखेकन्तर्गत विशेष “Industrial Grievances Cell” स्थापन करण्यात आला आहे. या सेलचे हेल्पलाईन नंबर ७५१७७५१७९३ आणि ९०२९६३३४५२ हे असून, पिंपरी चिंचवड पोलीस आयुक्तालय उद्योजक व कामगारांच्या पाठीशी खंबीरपणे उभे असल्याचे यावेळी स्पष्ट करण्यात आले.
या महत्त्वपूर्ण बैठकीस पिंपरी चिंचवडचे पोलीस आयुक्त श्री. विनयकुमार चौबे, अपर पोलीस आयुक्त (गुन्हे) श्री. सारंग आवाड, एमआयडीसी, एमएसईबी, कामगार विभागाचे अधिकारी, विविध परिमंडळांचे पोलीस उपायुक्त, सहाय्यक पोलीस आयुक्त, संबंधित पोलीस ठाण्यांचे वरिष्ठ पोलीस निरीक्षक तसेच ५० ते ६० उद्योजक प्रतिनिधी उपस्थित होते.

📊 **अशाच ताज्या आणि विश्वासार्ह बातम्यांसाठी पाहत राहा, न्यूज एक्सप्रेस १८!**
👉(https://newsexpress18.online)