##🛑 NEWS EXPRESS 18 | न्यूज एक्सप्रेस १८ विशेष बातमी पत्र 🛑 NEWS EXPRESS 18 | न्यूज एक्सप्रेस १८ विशेष बातमी पत्र 🛑

क्राईम रिपोर्टर :- परमेश्वर कांबळे
मो…8668612357

## ‘अंमलीपदार्थ मुक्त पिंपरी चिंचवड’साठी पोलीस आयुक्तांचा विशेष उपक्रम; ‘Virtual Town Hall’ च्या माध्यमातून साधला ४५ हजार नागरिकांशी संवाद…

**पिंपरी चिंचवड:**’अंमलीपदार्थ मुक्त महाराष्ट्र’ या राज्याच्या संकल्पाच्या धर्तीवर पिंपरी चिंचवड पोलीस आयुक्तालयाच्या वतीने “अंमलीपदार्थ मुक्त पिंपरी चिंचवड” मोहिमेअंतर्गत एक नाविन्यपूर्ण उपक्रम राबवण्यात आला. पिंपरी चिंचवडचे पोलीस आयुक्त श्री. विनय कुमार चौबे यांनी ‘X’ (ट्विटर) या सोशल मीडिया माध्यमाचा प्रभावी वापर करत ‘Virtual Town Hall’ द्वारे शहरवासीयांशी थेट सुसंवाद साधला.

आज दिनांक २८ जुलै २०२६ रोजी सकाळी ११:०० ते १२:३० या वेळेत या ऑनलाईन कार्यक्रमाचे आयोजन करण्यात आले होते.
### ८१९ संस्था/समुहांचा आणि ४५ हजार लोकांचा उत्स्फूर्त सहभाग..

या ऑनलाईन सुसंवादामध्ये पोलीस आयुक्तालय क्षेत्रातील शाळा, कॉलेजेस, औद्योगिक समूह, गृहनिर्माण संस्था (हौसिंग सोसायटीज), डॉक्टर्स असोसिएशन, मेडिकल असोसिएशन, हॉटेल व्यावसायिक, एनजीओ आणि सार्वजनिक मंडळे अशा एकूण ८१९ समुहांमधील विद्यार्थी, कामगार आणि नागरिकांनी भाग घेतला. या उपक्रमात तब्बल ४५,००० हून अधिक लोकांनी ऑनलाईन उपस्थिती लावत अंमली पदार्थ विरोधी मोहिमेत आपला सहभाग नोंदवला.

### नागरिकांच्या प्रश्नांना थेट उत्तरे व मार्गदर्शन….

यावेळी पोलीस आयुक्त विनय कुमार चौबे यांनी अंमली पदार्थांचे दुष्परिणाम आणि त्याविरोधी जनजागृती मोहिमेबाबत सविस्तर मार्गदर्शन केले. नागरिकांनी ‘X’ वरील ‘Virtual Town Hall’ च्या माध्यमातून विविध प्रश्न, सूचना आणि तक्रारी मांडल्या.
* अंमली पदार्थांचे होणारे घातक दुष्परिणाम काय आहेत?

* परिसरात अंमली पदार्थ आढळून आल्यास नागरिकांनी काय करावे?

* या समस्येला आळा घालण्यासाठी…..

कोणत्या उपाययोजना कराव्यात?
यांसारख्या अनेक प्रश्नांना पोलीस आयुक्तांनी समर्पक व सविस्तर उत्तरे देत नागरिकांमध्ये जनजागृती केली. भविष्यात अंमली पदार्थांमुळे होणाऱ्या गुन्ह्यांना प्रतिबंध करण्यासाठी हा उपक्रम अत्यंत प्रभावी ठरेल, असा विश्वास प्रशासनाने व्यक्त केला आहे.

### अँटी नार्कोटिक्स हेल्पलाईन नंबर जाहीर……

या उपक्रमादरम्यान पिंपरी चिंचवड पोलिसांकडून **अँटी नार्कोटिक्स हेल्पलाईन क्रमांक (Anti Narcotics Helpline Number): 7798100112** सुरू करण्यात आला आहे. शहर परिसरात कुठेही अंमली पदार्थांची विक्री किंवा वापर होत असल्यास नागरिकांनी या क्रमांकावर तात्काळ संपर्क साधून माहिती द्यावी, असे आवाहन पोलीस प्रशासनाकडून करण्यात आले आहे.

### वरिष्ठ अधिकाऱ्यांची उपस्थिती…

सदर ‘टाऊन हॉल’ उपक्रम पोलीस आयुक्त श्री. विनय कुमार चौबे, पोलीस सह आयुक्त डॉ. शशिकांत महावरकर आणि अपर पोलीस आयुक्त श्री. सारंग आव्हाड यांच्या मार्गदर्शनाखाली पार पडला. या कार्यक्रमात शहरातील सर्व पोलीस उप-आयुक्त (DCP), सहायक पोलीस आयुक्त (ACP) तसेच सर्व पोलीस ठाण्यांचे वरिष्ठ पोलीस निरीक्षक प्रत्यक्ष सहभागी झाले होते.
या अभिनव उपक्रमाला पिंपरी-चिंचवडकर नागरिकांकडून अत्यंत सकारात्मक आणि उत्स्फूर्त प्रतिसाद मिळाला आहे.

📊 **अशाच ताज्या आणि विश्वासार्ह बातम्यांसाठी पाहत राहा, न्यूज एक्सप्रेस १८!**
👉(https://newsexpress18.online)