## 🛑 NEWS EXPRESS 18 | न्यूज एक्सप्रेस १८ विशेष बातमी पत्र 🛑 NEWS EXPRESS 18 | न्यूज एक्सप्रेस १८ विशेष बातमी पत्र 🛑

विमाननगरातील ‘सायलेंट स्पा’वर गुन्हे शाखेचा छापा; अल्पवयीन मुलीसह चार महिलांची सुटका

पुणे, प्रतिनिधी : शहरातील विमाननगर परिसरातील ‘ईस्ट कोर्ट’ या व्यावसायिक इमारतीत स्पा सेंटरच्या आड सुरू असलेल्या कथित देहव्यापाराचा पुणे पोलिसांच्या गुन्हे शाखेने पर्दाफाश केला. ‘सायलेंट स्पा’ या मसाज सेंटरवर टाकलेल्या छाप्यात एका अल्पवयीन मुलीसह चार पीडित महिलांची सुटका करण्यात आली असून स्पा मॅनेजरला अटक करण्यात आली आहे. स्पा मालकाविरुद्ध गुन्हा दाखल करण्यात आला असून तो फरार आहे.

ही कारवाई मंगळवारी (दि. ७ जुलै) दुपारी सुमारे ३.३५ वाजता करण्यात आली. पोलिसांच्या माहितीनुसार, स्पा सेंटरमध्ये अल्पवयीन मुलीच्या अज्ञानाचा गैरफायदा घेत तिच्यासह इतर महिलांना देहव्यापारासाठी प्रवृत्त केल्याचे तपासात उघड झाले.

या प्रकरणात रेहानउद्दीन आबुल कलाम (वय २२, रा. लमानवस्ती, येरवडा) याला अटक करण्यात आली आहे. स्पा सेंटरचा मालक अक्षय सर हा फरार असून त्याचा शोध सुरू आहे.

याप्रकरणी विमानतळ पोलीस ठाण्यात संबंधित कलमान्वये गुन्हा दाखल करण्यात आला असून सहायक फौजदार ईश्वर अधिक तपास करीत आहेत. पुणे गुन्हे शाखेच्या या कारवाईमुळे विमाननगर परिसरात खळबळ उडाली आहे.

📊 **अशाच ताज्या आणि विश्वासार्ह बातम्यांसाठी पाहत राहा, न्यूज एक्सप्रेस १८!**
👉(https://newsexpress18.online)